Теменици (анг. cradle cap), медицински позната како инфантилен себореичен дерматитис, е честа состојба на кожата која се појавува кај многу новороденчиња во првите месеци од животот. Иако се генерално безопасни и привремени, оваа појава загрижува многу родители, особено родители кои за прв пат се запознаваат со оваа состојба. Разбирањето на нејзините причини, препознавањето на симптомите и следењето соодветна терапија може да им помогне на родителите да ги ублажат своите грижи и да обезбедат соодветна грижа за нежната кожа на своето бебе. Иако темениците може да изгледаат лошо, тоа е најчесто привремен проблем кој постепено се подобрува со текот на времето и грижата, оставајќи зад себе здрава, убава бебешка кожа.
Еден од примарните фактори кои придонесуваат за појава на теменици е хиперпродукцијата на себум, мрсна супстанција произведена од лојните жлезди на бебето. Оваа хиперпродукција може да биде резултат на хормоналните промени кои се случуваат за време на бременоста и се пренесуваат на бебето.
Друг фактор што придонесува до оваа појава е присуството на Маласезија, вид на габа која природно се наоѓа на кожата. Во некои случаи, прекумерниот раст на оваа габа може да предизвика воспаление.
Новороденчињата обично имаат чувствителна кожа која бара нежно чистење и нега. Недостатокот на соодветна хигиена на кожата, може да придонесе појава на теменици.
Темениците најчесто се манифестираат со појава на дебели, жолти или бели лушпи (навидум кора) на скалпот на бебето. Овие лушпи може да се прошират до веѓите, очните капаци, ушите и други делови од телото на бебето.
Доколку темениците не се исчистат и по соодветната терапија, не се двоумете да се консултирате со педијатар или дерматолог. Тие може да препорачаат медицински шампони или локални третмани во тешки случаеви.
Сите совети, идеи, информации на овој профил се базирани на лични искуства на родители и на внимателно избрана стручна литература и научни трудови. Сите совети и информации се наменети само за општо информативни цели и не треба да се сметаат како замена за стручен медицински совет или консултации. Администраторите на овој профил не преземаат одговорност за било какви последици или одлуки превземени според информациите на овој профил.
